حسام غالي: أحلم برئاسة الأهلي لكني لست مستعدًا حاليًا للمعركة
أكد حسام غالي، عضو مجلس إدارة النادي الأهلي، أنه يطمح في رئاسة القلعة الحمراء خلال السنوات المقبلة، لكنه يرى أن التوقيت الحالي غير مناسب لخوض هذه الخطوة.
وقال غالي، خلال حواره مع بودكاست “G.Talks”:
“ممكن أكون شايف نفسي رئيس النادي الأهلي، وممكن أحقق طموح الناس اللي شايفاني في المكان ده، لكن دلوقتي مش قادر أمسك سيف ودرع وأدخل المعركة دي بعد ما شوفت حقيقتها وضخامتها.”
وأضاف:
“طول عمري كنت بحارب بسيف ودرع، سواء كلاعب أو بعد دخولي الإدارة، لكن المعركة على رئاسة الأهلي فيها صراعات وضغوط كبيرة جدًا، وأنا مش عايز أخوض حرب غير شريفة، أنا دايمًا بحارب بشرف ووش بوش.”
وتابع:
“البعض يحاول تشويه صورتي لأن الجمهور شايف إني ممكن أبقى رئيس الأهلي، لكن أنا واثق إن بمجهودي وعرقي أقدر أحقق اللي عايزه، من غير خناجر في الضهر ولا حروب مش نزيهة.”
وأتم حديثه:
“الحلم موجود والرغبة موجودة، لكن في الوقت الحالي مش قادر أخوض المعركة، يمكن في المستقبل أكون جاهز.”
Share this content:
